/
\
/
افكر فيك و ادري من يفكر فيك ما ينلام
لأنك كثر ما تجرح خفوقه تنعش آماله
احبك و ادري ان اللي يحبك يحسب الأيام
لأنك كثر ما غبت و جفيته تطري فباله
تقول ان الوعد عدى و اقول ان الوعد قدام
و انا من قبل اغني بك يجر الشوق مواله
ولا يكفيك من عمري يضيع العام بعد العام
ولا يرضيك من قلبي تشد الناس رحاله
عشان عيونك و عين القصيد و سكة الاحلام
كتبتك لين خليت القصيد يهز فنجاله
ترا لو قلت لك عطني همومك و استريح و نام
مثل ما اقول يعني لو يموت العاذل اشوى له
حبيبي وش بلا هالقلب لا منه عشق ينظام
وراك اتعبتني و الهرج يمك مرخي حباله
اذا الحب بنظر عينك شقا حال و تعب و اوهام
تراك انت اخر انسان يتكلم عن شقا حاله
/
\
/
لـلـشـاعر / عطاء الله فرحان
